«مشهد كوميدي».. سيف زاهر يكشف واقعة مثيرة مع نادي قمة

كشف الإعلامي سيف زاهر، عن واقعة مثيرة بشأن طلب ثلاثة لاعبين عند التجديد مع نادي من الأندية الكبيرة والقمة، عمولة لأقاربهم تصل لـ10% من نسبة العقد.

وقال سيف زاهر خلال برنامجه المذاع على شاشة «أون سبورت»: «في نادي كبير جدا، فيه 3 لعيبه بيجددوا عقودهم واتفقوا مع النادي على كل حاجه وفي لعيب منهم لسه الأمور مش واضحه لانه طالب رقم مبالغ فيه».

وأضاف: «الاتنين لعيبة اللي اتفقوا مع النادي، فوجئ النادي بتاعهم وقت التوقيع أن لاعب جايب اخوه والتاني ابن خاله فالمسؤول اللي كان قاعد افتكر أنهم جايين معاهم عادي يعني».

وتابع: «لكن اتفاجئ أن كل لاعب طالب نسبه 10% من قيمة العقد لأخوه وابن خاله، والثالث اللي لسه أمور ممشيتش مدخل واحد قريبه في القصة».

وأتم: «اللي بيحصل ده مشهد كوميدي بالنسبالي وبوجه رسالة للأندية واللاعبين لازم يتم وضع حد ليه لان بعد كده هتلاقي كل واحد جايب صاحبه الانتيم وداخل بيه في تجديد العقود عايز نسب، الموضوع ده سمعناه قبل كدة ولكن منحبش أنه يتكرر تاني».