حذر الإعلامي كريم حسن شحاته، إدارة نادي الزمالك، من وجود تضارب في الاختصاصات ولغبطة داخل نادي القلعة البيضاء، بسبب الأسماء المرشحة لعدد من المناصب داخل فريق الكرة.
وقال كريم حسن شحاته في تصريح تليفزيوني عبر برنامجه المذاع على شاشة «الحياة»: «إدارة نادي الزمالك هتجيب جون إداورد المدير التنفيذي لـ نادي فاركو، ومن المنتظر أن يدير منظومة الكرة في نادي الزمالك».
وأضاف: «ما زال المسؤولين في نادي الزمالك، بيتكلموا على المدير الرياضي بتاع ويلز اللي ميدو جايبه، وكمان في لجنة التخطيط موجود ميدو وحازم إمام، ففي لغبطة شوية».
وتابع: «جون إداورد لما اتكلم مع المسؤولين في نادي الزمالك، قالهم انا اللي هدير الكرة مش عايز حد يتدخل في شغلي، في لغبطة شوية وتضارب في الاختصاصات».
وأوضح: «بعد نهائي كأس مصر بين الزمالك وبيراميدز، هيكون في قرارات وأولها إن جون إداورد هيكون موجود والمسؤول الأول على كل الملفات في كرة القدم وإدارتها».
واختتم: «جون إدوارد مش مجرد مدير تعاقدات فقط، لأ ده اللي هيجيب المدرب، وهيجيب اللعيبة ويقيم اللعيبة اللي موجودة دلوقتي، والكلام ده مش هيعجب بعض الناس اللي شغالة في الفترة الحالية».
يذكر أن هذه الموضوع «لغبطة كبيرة وتضارب».. كريم حسن شحاتة يحذر إدارة الزمالك قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم