«جن ومعلم».. تعليق مفاجئ من طارق يحيى على تصرف والد زيزو

أكد طارق يحيي، نجم الزمالك السابق، أن أفضل لاعب في مصر من وجهة نظره لا يستحق راتب أكثر من 15 مليون جنيه في الموسم، مؤكدًا إعجابه بـ أحمد مصطفي ووالده بعد انتقاله للأهلي.

وقال طارق يحيى في تصريح تليفزيوني عبر شاشة «إم بي سي مصر: «والله العظيم أحسن لعيب في مصر يستاهل من 10 لـ 15 مليون جنيه فقط».

وتابع: «هتيجي تقولي أصل جايله عرض برا ما يروح برا عادي، عشان دا سفه».

وأضاف: «لو زيزو فعلا راتبه 100 مليون جنيه يبقي أنا معجب باللاعب ووالده لأنه لعبها صح، والده دا طلع جن، قدر يلعب بالأهلي والزمالك وفي الآخر يعمل اللي هو عايزاه».

واختتم: «أصل زيزو يوم ما يضربه الدم في الزمالك هيأخد 30 مليون، لكن لما يوصل لمائة مليون يبقي فعلا هو معلم».